ग्यालरी

आज मिति २०८२/०३/२२ गतेका दिन पूर्वखोला गाउँपालिकाको गाउँसभाको १७ औं अधिवेशन सम्पन्न भएको छ।बैठकमा आर्थिक वर्ष २०८२-०८३ को लागि प्रस्तावित वार्षिक बजेट विनियोजन विद्येयक, गाउँपालिकाको आर्थिक कार्यविधि तथा वित्तीय उत्तरदायित्व भुक्तानीको व्यवस्थापन गर्न बनेको विद्येयक -२०८२ र पूर्वखोला गाउँपालिकाको बाल संरक्षण नीति -२०८२ पारित गरिएको छ।सभामा उत्कृष्ट कार्य गरेको तल्लो लेमधेम मोटरबाटो स्तरोन्नति आयोजनाको उपभोक्ता समितिका अध्यक्ष र सचिवलाई दोसल्ला र सम्मान पत्र दिई सम्मान गरिएको थियो।सभाको समापन सत्रमा आर्थिक वर्ष २०८१/०८२ मा उत्कृष्ट कार्य सम्पादन गरेको मूल्यांकन गर्दै प्रमुख प्रशासकीय अधिकृत सुन्दर प्रसाद श्रेष्ठ लगायत ७ जना कर्मचारीहरुलाई नगद पुरस्कार सहित दोसल्ला र सम्मान पत्रले सम्मान गरिएको थियो।सभामा नीतिगत एंव महत्वपूर्ण प्रस्तावहरु पारित गर्दै गाउँसभाको १७ औं अधिवेशन अन्त्य भएको सभा अध्यक्ष नुन बहादुर थापाले घोषणा गर्नुभएको थियो।

Image:

Post date: Sunday, July 6, 2025 - 17:55

गाउँसभाको १७ औं अधिवेशनको तेस्रो बैठक सम्पन्न

Body:

आज मिति २०८२/०३/१९ गतेका दिन पूर्वखोला गाउँपालिका गाउँसभाको १७ औं अधिवेशनको तेस्रो बैठक सम्पन्न भएको छ । उक्त बैठकमा आर्थिक विकास समितिका संयोजक नीर बहादुर सारु, सामाजिक विकास समितिका संयोजक विष्णु कुमार पल्ली, भौतिक पूर्वाधार विकास समितिका संयोजक गिरिमान आले, सुशासन तथा संस्थागत विकास समितिका संयोजक कृष्ण प्रसाद भट्टराई, न्यायिक समिति र अनुगमन समितिका संयोजक भागीरथी शर्मा भट्टराई, विद्येयक समितिका संयोजक मेहर सिं थापा, सार्वजनिक लेखा समितिका संयोजक याम बहादुर सारुले आ-आफ्नो समितिको वार्षिक प्रतिवेदन प्रस्तुत गर्नुभएको थियो |

Image:

Post date: Thursday, July 3, 2025 - 17:18

पूर्वखोला कृषि तथा पशु विकास परियोजना अन्तर्गत पालिका स्तरीय सहभगितामुलक स्व:समिक्षा तथा योजना तर्जुमा कार्य -२०८२

Body:

आज मिति २०८२/०३/१२ गतेका दिन पूर्वखोला गाउँपालिकाको सभा हलमा गाउँपालिका र हेफर प्रोजेक्ट नेपालको आर्थिक सहयोग तथा समाज उत्थान सहयोग केन्द्र नेपालको सहजिकरणमा संचालित पूर्वखोला कृषि तथा पशु विकास परियोजना अन्तर्गत पालिका स्तरीय सहभगितामुलक स्व:समिक्षा तथा योजना तर्जुमा कार्य -२०८२ गाउँपालिका अध्यक्ष नुन बहादुर थापाको अध्यक्षतामा सम्पन्न भएको छ |

Image:

पूर्वखोला कृषि तथा पशु विकास परियोजना अन्तर्गत पालिका स्तरीय सहभगितामुलक स्व:समिक्षा तथा योजना तर्जुमा कार्य -२०८२

Post date: Thursday, June 26, 2025 - 17:40

पूर्वखोला गाउँपालिका गाउँसभाको १७ औं अधिवेशन

Body:

आज मिति २०८२/०३/०८ गतेका दिन पूर्वखोला गाउँपालिका गाउँसभाको १७ औं अधिवेशनको पहिलो बैठकमा आ.व. २०८२/०८३ को नीति तथा कार्यक्रम गाउँपालिका अध्यक्ष श्री नुन बहादुर थापाले प्रस्तुत गर्नुभयो ।प्रस्तुत नीति तथा कार्यक्रममा सभा सदस्यहरुले छलफल तथा राय सुझाव पेश गरी छुट भएका तथा परिमार्जन गर्नुपर्ने विषय समावेस गर्ने गरी सर्वसम्मतिले पारित गरियो।बैठकको बिचमा पूर्वखोलाका उत्कृष्ट ४ जना र सर्वोकृष्ट १ गरी ५ जना कृषकलाई नगद पुरस्कार र प्रमाण पत्र सहित सम्मान गरिएको थियो । १७ औं अधिवेशनको दोस्रो बैठक मिति २०८२/०३/१० गते विहान ११:०० बजे बस्ने र आ.व. २०८२/०८३ को वार्षिक कार्यक्रम तथा बजेट पेश गरिने भएको छ ।

Image: